Türkiyə Fələstində "iki dövlətli həll"in tərəfdarıdır.

"Report" xəbər verir ki, bunu Türkiyə Prezidenti Rəcəb Tayyib Ərdoğan əlcəzairli həmkarı Əbdelmacid Tebbunla görüşdə deyib.

"Türkiyə və Əlcəzair olaraq bölgəmizin sülh və təhlükəsizliyini çox ciddi şəkildə təhdid edən zorakılıq sarmalının sona çatdırılmasında ortaq mövqeyə sahibik", - Ərdoğan bildirib və əlavə edib ki, İslam ölkələri arasındakı artan yaxınlaşma və əməkdaşlıq müsbət inkişafdır.

Ərdoğan bu səylərin beynəlxalq və regional ittifaqlara bənzər İslam birliyinin qurulmasına töhfə verməsini arzulayıb.

Qeyd edək ki, "iki dövlətli həll" İordan çayı ilə Aralıq dənizi arasında yerləşən ərazidə iki müstəqil dövlətin – İsrail ilə Fələstinin sülh və təhlükəsizlik şəraitində yanaşı mövcud olmasını ehtiva edir.

“Cezayir ile iş birliğimizi birçok stratejik alanda geliştirmekte kararlıyız” https://t.co/j2Q8XoWWHo pic.twitter.com/Wm453yHmLS

— T.C. Cumhurbaşkanlığı (@tcbestepe) May 7, 2026

Oxşar xəbərlər

Ərdoğan: İsrail – Fələstin məsələsində yeganə optimal yol iki dövlətli həlldir

Ərdoğan: Azərbaycanla Ermənistan arasında sülh üçün çalışırıq

Rəcəb Tayyib Ərdoğan İlham Əliyevə təşəkkür etdi

Ərdoğan: Kipr problemi iki suveren dövlətin yaradılması əsasında həll olunacaq