Türkiyə və RF xarici işlər nazirləri Hakan Fidan və Sergey Lavrov Antalya diplomatik forumu çərçivəsində keçirilən görüşün yekunları əsasında idarələrarası "2026–2027-ci illər üçün Məşvərət Fəaliyyət Planı"nı imzalayıblar.

"Report" xəbər verir ki, bu barədə Türkiyə mediası XİN-ə istinadən xəbər verir.

Bildirilir ki, danışıqlar qapalı formatda keçirilib.

"Görüşün yekunları əsasında Türkiyənin xarici işlər naziri Hakan Fidan və Rusiya Federasiyasının xarici işlər naziri Sergey Lavrov "Türkiyə Cümhuriyyətinin Xarici İşlər Nazirliyi ilə RF Xarici İşlər Nazirliyi arasında 2026–2027-ci illər üçün Məşvərət Fəaliyyət Planı"nı imzalayıblar", - nazirlikdə qeyd edilib.

Əvvəllər RF XİN Lavrov və Fidanın geniş spektrli aktual ikitərəfli və beynəlxalq mövzuları, o cümlədən İran, Suriya ətrafındakı vəziyyəti, həmçinin "Akkuyu" AES-in tikintisi layihəsinin həyata keçirilməsini və "Mavi axın" və "Türk axını" qaz kəmərlərinin istismarını müzakirə edəcəklərini bəyan etmişdi.

Oxşar xəbərlər

Hakan Fidan Lavrovla Ukraynadakı vəziyyəti müzakirə edib

Fidan və Lavrov Rusiyada danışıqlar aparacaqlar

Hakan Fidan Ankarada Suriyanın xarici işlər naziri ilə görüşüb

Hakan Fidan və Lavrov Ukraynadakı vəziyyəti müzakirə edib

Lavrov Ukraynanın “Türk axını” qaz kəmərinə hücum cəhdini Hakan Fidanla müzakirə edib - YENİLƏNİB