Astanada "Şanxay" bazarında yanğın baş verib

Astanada Baykonır rayonunda yerləşən "Şanxay" fermer bazarında yanğın baş verib.

“Report” xəbər verir ki, bu barədə Qazaxıstan KİV-i məlumat yayıb.

Bildirilib ki, yanğın tez bir zamanda binanı əhatə edib.

Yanğının söndürülməsinə 165 nəfər və 62 texnika işə cəlb olunub. Xəsarət alanlar yoxdur.

Fövqəladə Hallar Nazirliyindən (FHN) bildirilib ki, yanğınsöndürənlər özləri pəncərələrdən çıxan qara tüstünü görərək yanğını aşkar ediblər.