Hazırda Yakutiyada 132 meşə yanğını qeydə alınıb, onların sahəsi 1 milyon hektardan çoxdur.

“Report” xəbər verir ki, bu barədə Rusiya Fövqəladə Hallar Nazirliyi məlumat yayıb.

Yanğınların söndürülməsində 222 ədəd xüsusi texnika ilə 1960 xilasedici iştirak edir. Son bir gündə mütəxəssislər 23 min hektar sahədə altı yanğını söndürməyə, 15 min hektardan çox sahədə üç yanğını lokallaşdırmağa nail olublar.

Qeyd olunur ki, təkcə son 24 saat ərzində Yakutiyada yanğınların söndürülməsinə 193 ton su sərf olunub.

Vurğulanıb ki, iyul ayında rayon ərazisində meşə yanğınları ilə bağlı vəziyyət daha da pisləşib. Xüsusilə irimiqyaslı yanğınlar Yakutiyanın Abyiski, Olekminski, Vilyuyski, Verxnevilyuyski və Verxoyansk vilayətlərində qeydə alınıb.

Oxşar xəbərlər

Türkiyənin iki vilayətində meşə yanır

Çilidə meşə yanğınları nəticəsində ölənlərin sayı 46-ya çatıb - YENİLƏNİB

Rostovun məşhur bazarındakı yanğın söndürüldü

Antalya və İzmirdə meşə yanğını baş verib

Antalyada meşə yanğını baş verib