Ukrayna Silahlı Qüvvələri Kursk vilayətinin Sudja şəhərində tarix-diyarşünaslıq muzeyinə hücum edib.

APA xəbər verir ki, bunu Kursk qubernatoru vəzifəsini icra edən Aleksandr Xinşteyn “Telegram” kanalında bildirib.

Ukrayna ordusunun atdığı raket 19-cu əsrin sonlarına aid memarlıq abidəsi olan tarix-diyarşünaslıq muzeyinin binasının üzərinə düşüb. İlkin məlumata görə, muzeyin bir əməkdaşı ölüb, ikisi yaralanıb.

"İlkin məlumata görə, Sudjada qalan və bu gün muzeyə onun vəziyyəti ilə tanış olmaq üçün gələn bir işçi həlak olub. Daha iki əməkdaş isə yaralanıb - onlar hazırda tibb müəssisəsinə aparılır", - Xinşteyn bildirib.

Xinşteynin sözlərinə görə, tarixi bina tamamilə yararsız vəziyyətə düşüb.

Oxşar xəbərlər

Ukrayna ordusu Kursk vilayətinin Rılsk şəhərinə raket hücumu edib, azı 10 nəfər yaralanıb - VİDEO

Ukrayna ordusunun Kursk vilayətinin Rılsk şəhərinə raket hücumu nəticəsində 6 nəfər ölüb - VİDEO - YENİLƏNİB

Kurskda yem zavodu atəşə tutulub, 4 nəfər ölüb

Rusiya MN: Ukraynanın Kursk vilayətində əks hücumu dəf edilib

Kursk qubernatoru Ukrayna PUA-sının AES-ə hücum cəhdini təsdiqləyib