Serbiya Prezidenti Aleksandr Vuçiç ABŞ-yə rəsmi səfərini yarıda dayandıraraq ölkəsinə qayıdıb və Belqraddakı Hərbi Tibb Akademiyasına gəlib.

“Report” xəbər verir ki, bu barədə “Serbiya Radio və Televiziyası” (RTS) məlumat yayıb.

"Hərbi Tibb Akademiyasında prezidenti səhiyyə naziri Zlatibor Lonçar və doktor Draqan Dinçiç qarşılayıblar", - məlumatda bildirilib.

Xəbər verildiyi kimi, Vuçiç özünü pis hiss etdiyi üçün ABŞ-yə səfərini yarımçıq qoyub. O, həkimlərlə məsləhətləşərək Belqrada qayıtmaq qərarına gəlib.

Serbiya Prezidenti Aleksandr Vuçiç Floridaya səfəri zamanı qəflətən özünü pis hiss edib və səfərini vaxtından əvvəl dayandırmağa qərar verib.

“Report” xəbər verir ki, bu barədə Serbiyanın “RTS” televiziya şirkəti məlumat yayıb.

Həkimlərlə məsləhətləşmədən sonra o, ABŞ-də planlaşdırılan bütün görüşlərini ləğv edərək Belqrada qayıdıb.

Səfər zamanı Vuçiç Nyu-Yorkun keçmiş meri Rudolf Culiani, həmçinin İllinoys ştatının sabiq qubernatoru Rod Blaqoyeviç və ABŞ-dəki serbiyalı iş adamları ilə danışıqlar aparmağa müvəffəq olub. Lakin ABŞ Prezidenti Donald Trampla görüş baş tutmayıb. Vuçiçin administrasiyası hələlik onun səhhətinin pisləşməsinin səbəbləri və sağlamlıq vəziyyəti ilə bağlı rəsmi açıqlama verməyib.

Oxşar xəbərlər

Serbiya Prezidenti ABŞ-yə səfərini yarıda dayandırıb

Serbiya Prezidenti Orban və Siyarto ilə enerji təhlükəsizliyini müzakirə edəcək

Serbiya və Rusiya prezidentləri sabah danışıqlar aparacaq