Böyük Britaniyanın Leyboristlər partiyasından olan iki deputat İsrailə buraxılmayıb və deportasiya edilib.

“Report” bu barədə “Sky News”a istinadən xəbər verir.

İsrail Miqrasiya Nazirliyindən verilən açıqlamaya görə, Yuan Yanu və Abtisam Mohamed təhlükəsizlik qüvvələrinin fəaliyyətini sənədləşdirmək və anti-İsrail nifrətini yaymaq planında şübhəli bilinir.

Dindirmə zamanı deputatlar İsrailə rəsmi parlament nümayəndə heyətinin tərkibində səfər etdiklərini deyiblər. Nazirlik onların iddialarını “yalan” adlandırıb, lakin Böyük Britaniyanın xarici işlər naziri Devid Lammi deputatlara qarşı rəftarı pisləyib.

"İsraildə parlament nümayəndə heyətində olan iki britaniyalı deputatın saxlanılması və ölkəyə girişinə icazə verilməməsi qəbuledilməzdir, dərin narahatlıq doğurur. Mən İsrail hökumətindəki həmkarlarıma açıq şəkildə bildirdim ki, britaniyalı deputatlarla bu cür rəftar edilmir və biz bu axşam hər iki deputatla əlaqə saxladıq ki, onlara dəstəyimizi təklif edək", - Lammi qeyd edib.

Oxşar xəbərlər

Böyük Britaniya İsrail və Çinə sanksiyalar tətbiq edə bilər

Azərbaycan XİN vətəndaşları İsrailə səfər etməməyə çağırıb

Britaniya və Fransanın XİN başçıları İsrailə səfər edəcəklər

Britaniya qüvvələri də ABŞ kimi İranın İsrailə zərbəsini dəf olunmasında iştirak edib