Avropa İttifaqı (Aİ) ölkələri Fransa Prezidenti Emmanuel Makronun Avropa ölkələrinin Fransanın nüvə qüvvələrinin himayəsi altına alınması təşəbbüsünü müzakirə etməlidir.

“Report” TASS-a istinadən xəbər verir ki, bunu Danimarkanın baş naziri Mette Frederiksen Aİ-nin Brüssel sammiti ərəfəsində bildirib.

"Hər şey müzakirəyə hazırdır. Bütün yaxşı ideyalar müzakirənin bir hissəsi olmalıdır", - o qeyd edib.

Bundan əvvəl Makron həmvətənlərinə müraciətində Almaniya kansleri vəzifəsinə namizəd olan Fridrix Merzin çağırışından sonra müttəfiqləri ilə Avropa ölkələrinin Fransanın nüvə çəkindirmə qüvvələrinin himayəsi altına qəbul edilməsinin mümkünlüyü ilə bağlı müzakirələrə başlayacağını deyib.

Bundan əlavə, Fransa Prezidenti Avropa və respublika üçün təhdidlərin artmasından danışıb. Makron Parisin müdafiə xərclərinin daha əvvəl təsdiq edilmiş plandan daha çox artırılması zəruriliyini belə əsaslandırıb. O, həmçinin Rusiya ilə münaqişədə Ukraynaya dəstəyi davam etdirmək niyyətində olduğunu bildirib.

Oxşar xəbərlər

Makron: Rusiya bütün Avropa üçün təhdidə çevrilib

Peskov Makronun nüvə ritorikasını qarşıdurma adlandırıb

Makron yeni baş nazirlə bağlı məsləhətləşmələr aparacaq

Makron Putinin gələn il Fransaya dəvət oluna biləcəyini açıqlayıb

Makron: Paris və Berlin Trampın hakimiyyətə gəlişi səbəbindən Aİ-nin suverenliyini gücləndirməlidir