Filippin Hərbi Hava Qüvvələrinə (HHQ) məxsus “FA-50” qırıcısı ölkənin cənubundakı Bukidnon əyalətində qəzaya uğrayıb, iki pilot həlak olub.

"Report" "Reuters"ə istinadən xəbər verir ki, təyyarə üsyançılarla mübarizə ilə bağlı döyüş missiyasını yerinə yetirib.

Məlumata görə, onunla əlaqə martın 4-də kəsilib və axtarış-xilasetmə əməliyyatına başlanıb.

Təyyarənin qalıqları və pilotların meyitləri martın 5-də Mindanao adasındakı Kalatunqan dağlıq rayonunda tapılıb.

Hərbi Hava Qüvvələrinin nümayəndəsi Konsuelo Kastillo qəzanın səbəbləri ilə bağlı araşdırmanın davam etdiyini bildirib.

Hadisədən sonra Hərbi Hava Qüvvələri komandanlığı Cənubi Koreya istehsalı olan “FA-50” qırıcılarının uçuşlarını müvəqqəti olaraq dayandırıb.

Oxşar xəbərlər

ABŞ-də təyyarə qəzaya uğrayıb, ölənlər var

Braziliyada qırıcı təyyarə qəzaya uğrayıb

Hindistanda təyyarə təlim uçuşu zamanı qəzaya uğrayıb

Ukraynaya məxsus "F-16" qırıcısı qəzaya uğrayıb