Cənubi Afrika Respublikasının cənub-qərbində Corc şəhərində tikilməkdə olan çoxmərtəbəli binanın uçması nəticəsində ölənlərin sayı 14-ə çatıb.

“Report” xəbər verir ki, bu barədə yerli hökumətin sözçüsü Anton Bredell məlumat verib.

Onun sözlərinə görə, ümumilikdə 40 nəfər xilas edilib, daha 39 nəfər itkin düşmüş hesab edilir.

Səlahiyyətlilər daha əvvəl altı nəfərin öldüyünü açıqlamışdı. Xilasedicilər qəza yerində işlərini davam etdirirlər.

Mayın 6-da şəhərin mərkəzi hissəsində tikilməkdə olan çoxmərtəbəli bina uçub. Hadisə zamanı binada inşaatçılar olub. Cənubi Afrika Respublikasının Prezidenti Siril Ramafosa həlak olanların ailələrinə başsağlığı verib.

Oxşar xəbərlər

CAR-da daşqınlar 14 nəfərin həyatına son qoyub

Çində zəlzələ nəticəsində ölənlərin sayı 144-ə çatıb

Qvineyada yanacaq anbarının partlaması nəticəsində ölənlərin sayı 23-ə çatıb

Yaponiyada zəlzələ nəticəsində ölənlərin sayı 82-yə çatıb - YENİLƏNİB

Niderlandda tikilməkdə olan körpü uçub, ölənlər və yaralılar var