Vaşinqtonun hava limanları idarəsinin iki əməkdaşı Potomak çayı üzərində baş verən təyyarə qəzasının müşahidə kameralarından əldə edilmiş eksklüziv video görüntülərinin sızması ilə əlaqədar saxlanılıb.

“Sizinxeber.az” xəbər verir ki, bu barədə ABC telekanalı məlumat yayıb.

"Vaşinqtonun paytaxt hava limanları idarəsinin iki əməkdaşı təyyarə və helikopterin toqquşmasını əks etdirən müşahidə kameralarından əldə edilmiş eksklüziv videonun CNN-ə görüntülərinin sızması ilə əlaqədar saxlanılıb", - nəşrdə qeyd olunub.

Telekanalın məlumatına görə, onlar qurumun qeydlərinin icazəsiz surətini çıxarmaqda ittiham olunublar.

Qeyd edək ki, Vaşinqtonun mərkəzindən 10-15 dəqiqəlik məsafədə, Ronald Reyqan hava limanı yaxınlığında səmada sərnişin təyyarəsi ABŞ ordusuna məxsus helikopterlə toqquşub.

Kanzas ştatının Viçita şəhərindən uçuş həyata keçirən təyyarənin göyərtəsində 60 sərnişin və 4 ekipaj üzvü olub. Qəzadan sonra təyyarə Potomak çayına düşüb. 55 qurbanın şəxsiyyəti müəyyən edilib.

Oxşar xəbərlər

Vaşinqtonda təyyarə qəzasında həlak olan 40 nəfərin meyiti tapılıb

ABŞ-də sərnişin təyyarəsi helikopterlə toqquşub, ölənlər və yaralılar var - YENİLƏNİB

Kanzas senatoru: Vaşinqtonda təyyarə qəzası 60 nəfərin ölümünə səbəb ola bilər

ABŞ-də faciədən bir gün əvvəl oxşar hadisə: Təyyarə son anda helikopterlə toqquşmadan yayına bilib

Tramp Vaşinqtonda qəzaya görə hərbi helikopterin ekipajını təqsirləndirib