Avropa İttifaqının (Aİ) 27 ölkəsinin liderləri Brüsseldə keçiriləcək qeyri-rəsmi sammitdə Rusiyanın Ukraynaya qarşı müharibəsinə, hibrid və kiber təhdidlərə, həmçinin Yaxın Şərqdəki qeyri-sabitliyə cavab olaraq İttifaqın müdafiəsinin gücləndirilməsi və ona ayrılan xərclərin artırılmasını müzakirə edəcəklər. Bundan əlavə, dövlət və hökumət başçıları prezident Donald Trampın dövründə ABŞ ilə münasibətlərə xüsusi diqqət yetirmək niyyətindədirlər.

“Report” xəbər verir ki, bu barədə ötən gün Brüsseldə jurnalistlərə Aİ-nin yüksək vəzifəli nümayəndəsi bildirib.

Aİ-nin qeyri-rəsmi sammitinə NATO-nun baş katibi Mark Rutte və Böyük Britaniyanın Baş naziri Kir Starmer də dəvət olunub.

Əvvəlcə görüşün Belçikanın Lyej şəhəri yaxınlığındakı qalada baş tutacağı planlaşdırılırdı. Avropa Şurasının rəhbəri Antonio Koştanın fikrincə, bu “məxfilik” Aİ ölkələrinin liderlərinə “azad və səmimi” ünsiyyət qurmağa imkan verməli idi. Bununla belə, Avropa Şurası fövqəladə sammitin keçiriləcəyi yeri Brüsseldəki Eqmont Sarayına, konfrans zalına köçürüb. Bu qərar, təhlükəsizliyin təmin edilməsi üçün zəruri olan tədbirlərin yenidən qiymətləndirilməsi ilə bağlı olub.

Oxşar xəbərlər

Aİ liderləri ABŞ ilə münasibətləri və ittifaqın müdafiəsini gücləndirməyi müzakirə edəcəklər

NATO-nun Baş katibi və Britaniyanın Baş naziri Aİ-nin fövqəladə sammitinə dəvət olunub

Aİ liderləri Ukraynaya əlavə yardımı müzakirə edəcək

Şolts NATO-nun Baş katibi ilə görüşəcək

Aİ-nin 27 ölkəsinin liderləri Ukraynaya yardımı müzakirə edəcəklər