Britaniya ordusunun idman yarışları proqramına pilotsuz uçuş aparatlarının yarışları əlavə olunacaq.

“Sizinxeber.az” xəbər verir ki, bu barədə “The Daily Telegraph” qəzeti yazıb.

Qəzetin məlumatına görə, yaxın həftələrdə Kral Silahlı Qüvvələrinin İdman Şurası rəsmi olaraq Britaniya Ordu Dronları Assosiasiyasını tanıyacaq.

“Biz müxtəlif idman növlərini dəstəkləyirik. Mütləq futbol, reqbi və ya kriket oynamaq lazım deyil. Nə qədər çox müxtəliflik olsa, bir o qədər yaxşıdır. Xüsusilə də hərbçilər yarışlar zamanı sonradan orduda istifadə edə biləcəkləri bacarıqlar əldə edirlərsə”, – nəşr Britaniya Quru Qoşunları rəhbərliyindəki mənbəyə istinadən nəql edib.

Qeyd olunub ki, bu yarışların iştirakçıları adi dronlarda quraşdırılmış GPS və ya stabilləşdirmə proqram təminatı olmadan virtual reallıq qulaqlıqlarından istifadə edərək pilotsuz uçuş aparatlarını idarə edirlər. Hər yarışda səkkiz idmançı iştirak edir və onlar müəyyən edilmiş marşrut üzrə bir neçə dövrəni rəqiblərindən daha tez keçməlidirlər.

Oxşar xəbərlər

Britaniya Ukrayna üçün dronların alınmasına 9,5 milyon dollar ayıracaq

Britaniya müdafiəyə əlavə 3,7 milyard dollar ayıracaq

Britaniya hərbçiləri ordunu kütləvi şəkildə tərk edirlər

“Telegraph”: Ukrayna ordusuna Kurska “Storm Shadow” raketləri ilə zərbə endirmək qadağan edilib

ABŞ, Britaniya və Avstraliya süni intellektə malik PUA sınaqdan keçirib