Almaniya Kansleri Olaf Şolts və Fransa prezidenti Emmanuel Makron telefon danışığı zamanı Suriyanın yeni hakimiyyəti ilə əməkdaşlığa hazır olduqlarını bildiriblər.

“Sizinxeber.az” xarici KİV-lərə istinadən xəbər verir ki, bu barədə Almaniya hökumətinin rəsmi nümayəndəsi Şteffen Hebeştrayt məlumat verib.

"Almaniya Kansleri Olaf Şolts Fransa Prezidenti Emmanuel Makronla telefon danışığı aparıb. Onlar ilk növbədə Suriyadakı vəziyyəti müzakirə edib, yeni hakimiyyətlə fundamental insan hüquqlarına riayət edilməsi, eləcə də etnik və dini azlıqların müdafiəsi əsasında əməkdaşlığa hazır olduqlarını bildiriblər", - Ş.Hebeştrayt qeyd edib.

Şolts və Makron həmçinin Suriyanın ərazi bütövlüyünün və suverenliyinin qorunmasının vacibliyini vurğulayıblar.

"Onlar Suriyada inklüziv siyasi prosesə dəstək də daxil olmaqla, Avropa İttifaqının ölkədə iştirakını gücləndirmək üçün birlikdə işləməyə razılaşıblar", - Almaniya hökumətinin nümayəndəsi əlavə edib. O qeyd edib ki, gələcək addımlar Yaxın Şərqdəki tərəfdaşlarla sıx əlaqədə müzakirə olunacaq.

Oxşar xəbərlər

Şolz və Makron Suriyanın yeni hakimiyyəti ilə əməkdaşlığa hazır olduqlarını bildiriblər

Şolts və Putin Ukraynadakı vəziyyəti müzakirə ediblər

Almaniya Livana yardım üçün əlavə 60 milyon avro ayıracaq

Şolts və Zelenski arasında telefon danışığı baş tutub

Almaniya kansleri Türkiyədə Ərdoğanla görüşəcək