Niger hakimiyyətinin 2023-cü ilin noyabrında Afrika ölkəsi vasitəsilə qeyri-qanuni miqrantların tranzitinə nəzarət üzrə Avropa İttifaqı ilə sazişdən çıxmasından sonra çoxsaylı Afrika ölkələrindən Niger vasitəsilə Aralıq dənizi sahillərinə çatmağa çalışan miqrant axını xeyli artıb.

“Report” xəbər verir ki, bu barədə Beynəlxalq Miqrasiya Təşkilatı (IOM) məlumat yayıb.

Qeyd olunub ki, Nigerin şimalındakı Sahara səhrasından keçən nəqliyyat dəhlizindən istifadə edən miqrantların sayı son üç ayda 50% artıb.

Qurum miqrantların sayı ilə bağlı konkret məlumat vermir, lakin qeyd edir ki, Nigerdən keçən və Aralıq dənizi sahillərinə çatmağa çalışanların əksəriyyətini Nigeriya vətəndaşları təşkil edir.

Niger və Avropa İttifaqı 2015-ci ildə miqrasiya sazişi imzalayıb və bu, Afrika ölkəsi vasitəsilə miqrant axınını dəfələrlə məhdudlaşdırıb.

Lakin ötən ilin payızında Nigerdə ​​baş verən hərbi çevriliş və hakimiyyətin hərbçilər tərəfindən ələ keçirilməsi səbəbindən Avropa İttifaqının sanksiyalar tətbiq etməsindən sonra Niger sazişdən imtina edib.

Oxşar xəbərlər

Burkina Faso, Mali və Niger ECOWAS-dan çıxdığını elan edib

Niger Frankofoniyadan xaric edilib

Sankt-Peterburqda müharibəyə “könüllü” kimi cəlb edilməsi məqsədilə minlərlə miqrant saxlanılıb

Estoniyanın baş naziri Rusiyada axtarışda olmasından qorxmur

Albaniyanın Britaniyaya təyin olunan yeni səfirinin qanunsuz miqrant olması üzə çıxıb