Sankt-Peterburq polisi dekabrın 31-i axşam və yanvarın 1-nə keçən gecə miqrantların kütləvi saxlanmasını həyata keçirib.

“Sizinxeber.az” xəbər verir ki, bu barədə “Novaya Qazeta Yevropa” Daxili İşlər Nazirliyinin Ekstremizmlə mübarizə üzrə Baş İdarəsindəki mənbəsinə istinadən məlumat yayıb.

Mənbənin bildirdiyinə görə, saxlanılmalar “Əzəmət” əməliyyatı çərçivəsində həyata keçirilib. Miqrantlar həm Sankt-Peterburq küçələrində, həm də yaşadıqları mənzillərdə və yataqxanalarda saxlanılıb. Əməliyyat zamanı polis reyd keçirdikləri əraziləri mühasirəyə alıb. Nəşr iddia edib ki, polis Şaxta baba və Qar qız geyimində kordondan keçməyə çalışan təxminən 30 nəfərdən ibarət bir qrupu yaxalayıb.

Şəhərin “Fontanka” nəşrinin məlumatına görə, polis üç minə yaxın adamı saxlayıb. “Novaya qazeta Yevropa” yazıb ki, tutulanların sayı “daha ​​çoxdur”: kişilərlə yanaşı qadınlar və uşaqlar da yaxalanıb. Saxlanılan kişilər polis şöbələrinə, qadınlar və uşaqlar isə Krasnoye Selodakı xüsusi təcridxanaya yerləşdirilib.

“Novaya qazeta Yevropa” nəql edib ki, yanvarın 1-də səhər saatlarında saxlanılanların çoxuna hərbi komissarlıqların nümayəndələri baş çəkib və onları orduya “könüllü” kimi yazılmağa dəvət ediblər. İnsanları ailələrinin Rusiyadan qovulacağı ilə təhdid ediblər. Nəşr yazıb ki, onlara Rusiya vətəndaşlığını qısa müddətdə almaq təklif edilib. Nəşrin məlumatına görə, azı 1 500 insan Rusiya Müdafiə Nazirliyi ilə müqavilə imzalamağa razılaşıb.

Xatırladaq ki, son aylar Moskva Mərkəzi Asiya ölkələrindən olan mühacirlərə Rusiya Müdafiə Nazirliyi ilə müqavilə imzalamaq müqabilində tez vətəndaşlıq almağı təklif etməkdə fəallaşıb. Bundan başqa, reydlər zamanı polis Rusiya vətəndaşlığı almış miqrantları saxlayıb hərbi komissarlığa aparır.

Daxili İşlər Nazirliyinin Miqrasiya Məsələləri üzrə Baş İdarəsinin rəisi Valentina Kazakova 2023-cü ilin noyabrında bildirib ki, Rusiyada 6,4 milyon xarici vətəndaş var, onların əksəriyyəti işləmək üçün ölkəyə gəlib. Rusiyaya əmək miqrantlarının axınına görə Qırğızıstan, Özbəkistan və Tacikistan liderdir.

Oxşar xəbərlər

Prezident İlham Əliyevin Sankt-Peterburq şəhərinə işgüzar səfəri başa çatıb [xfgiven_updateblue][/xfgiven_updateblue]

Sankt-Peterburqda MDB ölkələrinin dövlət başçılarının qeyri-rəsmi görüşü başlayıb [xfgiven_updateblue][/xfgiven_updateblue]

Prezident İlham Əliyev Sankt-Peterburqa işgüzar səfərə gedib [xfgiven_updateblue][/xfgiven_updateblue]

Putin oxşarları ilə bağlı suala aydınlıq gətirib [xfgiven_updateblue][/xfgiven_updateblue]

Fransa polisi bir ailənin 5 üzvünü öldürməkdə şübhəli bilinən şəxsi saxlayıb - YENİLƏNİB [xfgiven_updateblue][/xfgiven_updateblue]