ABŞ prezidenti Cozef Bayden İsrailə yardım ayrılması ilə bağlı qanun layihəsinə veto qoyacaq.

“Report” xəbər verir ki, bu barədə Ağ Evin İdarəetmə və Büdcə Ofisinin yaydığı yazılı bəyanatda deyilir.

“Əgər bu qanun layihəsi Prezidentə təqdim edilsəydi, o, ona veto qoyardı. Administrasiya Konqresin hər iki palatasını bu siyasi hiyləni rədd etməyə və bunun əvəzinə əlavə milli təhlükəsizlik maliyyəsi təmin etmək üçün tez bir zamanda Prezidentin masasına ikipartiyalı qanun layihəsi göndərməyə çağırır.

Amerika administrasiyası belə bir qanun layihəsinə qətiyyətlə qarşı çıxır, çünki o, sərhədi qorumaq üçün heç bir iş görmür və ya Ukraynanı dəstəkləmir”, - bəyanatda vurğulanıb.

Qeyd edək ki, bir qrup ABŞ konqresmeni Ukraynaya əlavə dəstək vermədən İsrailə 17,6 milyard dollar ayrılmasını nəzərdə tutan qanun layihəsi təqdim edib. Nümayəndələr Palatasının spikeri Mayk Conson qanunvericilərin bu həftə təşəbbüsə səs verəcəyini söyləyib.

Oxşar xəbərlər

ABŞ-də bu həftə İsrailə yardım haqqında qanun layihəsinə baxılacaq

ABŞ konqresmenləri İsrailə 17,6 milyard dollar ayrılmasını istəyir

Ağ Ev İsrailə yardıma qarşı çıxıb

Bayden 886 milyard dollarlıq müdafiə büdcəsini imzalayıb

“Energetika haqqında” yeni qanun layihəsi ikinci oxunuşda təsdiq edildi