Özbəkistanda Taxtakaraça aşırımındakı yolda avtomobilin üzərinə qaya parçası düşüb, üç nəfər ölüb.

“Report” xəbər verir ki, bu barədə ölkənin Daxili İşlər Nazirliyinin Yol Hərəkəti Təhlükəsizliyi Xidməti (YHTX) teleqramda bildirib.

“Qaşqadərya vilayətinin Kitab rayonu ərazisindən keçən Kitab – Səmərqənd istiqamətində M-39 avtomobil yolunun 1 138-ci kilometrində “Chevrolet Cobalt” avtomobili yağıntılar səbəbindən dağ yamacından qopan qeyri-sabit qaya parçasının altında qalaraq əzilmişdir”, – məlumatda qeyd olunub.

Qəza zamanı nəqliyyat vasitəsinin salonunda olan üç nəfərin həlak olduğu bildirilir. Hadisə yerinə xilasetmə və təcili tibbi yardım briqadaları cəlb edilib.

Aşırımda nəqliyyatın hərəkəti dayandırılıb, lakin YHTX tezliklə bərpa olunacağını vurğulayıb.

Oxşar xəbərlər

Rusiyanın Çelyabinsk vilayətində ağır yol qəzası olub, 5 nəfər ölüb

Şabranda yük maşını körpüdən dəmir yolu xəttinə aşıb, iki nəfər ölüb - YENİLƏNİB

Rusiyada ağır yol qəzasında 3 nəfər ölüb

Avtomagistralda geriyə hərəkət edən avtomobilin sürücüsü qəzaya səbəb olub

Qusarda yol qəzası olub, ölən və yaralananlar var