Almaniyanın sərhədlərində nəzarət hələ uzun müddət davam edəcək.

“Report” xəbər verir ki, bu barədə Almaniya Kansleri Olaf Şolts RTL telekanalına müsahibəsində bildirib.

“Biz bunu mümkün qədər uzun müddət edəcəyik. Və bu çox uzun müddət davam edəcək”, – hökumət başçısı bildirib. Şolts yoxlamaların “çox narahatlıq” yaratdığını etiraf edib.

Sentyabrın 16-dan etibarən Almaniyanın bütün quru sərhədlərində qanunsuz miqrasiyanın azaldılması məqsədilə müvəqqəti nəzarət tətbiq edilib. Bu addımın səbəbləri həmçinin terrorçuluq və transmilli cinayətkarlıqdan qaynaqlanan təhdidlərdən daxili təhlükəsizliyin qorunmasıdır.

Polşa kimi bəzi qonşu ölkələr Almaniya iqtidarının bu qərarını qeyri-dostluq addımı hesab ediblər.

Oxşar xəbərlər

Almaniya quru sərhədlərinə müvəqqəti nəzarət tətbiq edəcək

Şolts Almaniyanın bütün sərhədlərində nəzarətin tətbiqini dəstəkləyib

Almaniya 5 milyard avroluq büdcə kəsiri ilə üzləşib

Şolts Çinə rəsmi səfər edib

Barnye Fransanın immiqrasiyaya nəzarət edə bilmədiyini etiraf edib