İsrail ordusu Qəzza zolağında keçirdiyi əməliyyatlar zamanı anklavda yerləşən Fələstinin radikal HƏMAS hərəkatının 24 batalyonundan 23-nü məhv edib.

“Sizinxeber.az” “İzvestiya”ya istinadən xəbər verir ki, bunu İsrailin Baş naziri Benyamin Netanyahu BMT Baş Assambleyasının 79-cu sessiyasında çıxışı zamanı deyib.

“İsrail HƏMAS-ın 24 batalyonundan 23-nü məhv edib”, - o bildirib.

Baş nazir qeyd edib ki, İsrailə hücum zamanı HƏMAS-ın sıralarında 40 minə yaxın silahlı olub, onların arsenalında 15 min idarə olunmayan raket olub. İndi isə İsrail ordusu HƏMAS-ın başqa hansı variantları qaldığını öyrənməyə davam edir və onun infrastrukturunun qalıqlarını sıradan çıxarır.

Netanyahunun sözlərinə görə, əməliyyatın əvvəlində HƏMAS-ın yeraltı tunellərinin ümumi uzunluğu 560 km-dən çox olub.

“Ordumuz terrorçuların yarıdan çoxunu ya ələ keçirib, ya öldürüb, onların raket arsenalının 90 %-dən çoxunu məhv edib və yeraltı şəbəkələrinin əsas elementlərini sıradan çıxarıb”, - siyasətçi vurğulayıb.

Oxşar xəbərlər

Netanyahu: "İsrail HƏMAS-ı məhv edəcək"

İsrail ordusu qaçqın düşərgəsində gizlənən 100-dən çox silahlını məhv edib

HƏMAS-ın tunellər şəbəkəsi məhv edildi

İsrail Qəzzada HƏMAS-a məxsus hərbi infrastrukturu məhv edib

İsrail ordusu HƏMAS-ın yeni komandirini məhv etdi