Somali və Efiopiya arasında bəzi əsas prinsiplər və konkret elementlər üzrə əhəmiyyətli yaxınlaşma baş verib.

“Sizinxeber.az” Türkiyə KİV-ə istinadən xəbər verir ki, bunu Türkiyənin xarici işlər naziri Hakan Fidan iyulun 1-də başlayan və Türkiyənin vasitəçiliyi ilə iki ölkə arasında keçirilən Ankara prosesinin ikinci mərhələsinin yekunlarına əsasən deyib.

O bildirib ki, prosesi uğurla başa çatdırmaq ümidi ilə danışıqların üçüncü raundu üçün sentyabrın 17-də yenidən Ankarada görüşəcəklər.

Fidan birinci raund danışıqlar ilə müqayisədə bu dəfə daha geniş mövzuları əhatə etdiklərini vurğulayıb: “Bu, müsbət haldır. Atılmalı olan konkret addımların təfərrüatlarına və texniki aspektlərinə diqqət yetirmək imkanımız oldu. Ankara prosesini uğurla başa vurmaq üçün Efiopiya Baş naziri Abiy Əhməd Əli və Somali Prezidenti Həsən Şeyx Mahmuddan konstruktiv yanaşmalarını və qətiyyətlərini davam etdirmələrini gözləyirik”, - türkiyəli nazir bildirib.

Qeyd edək ki, iki ölkə arasındakı münasibətlər Efiopiya rəsmilərinin tanınmamış Somalilend ilə dəniz limanlarını icarəyə götürmək üzrə müqavilə bağlamasından sonra pisləşib. Rəsmi Moqadişo bu müqaviləni qanunsuz adlandırıb və Efiopiyadakı səfirini geri çağırıb.

Oxşar xəbərlər

Ankarada Türkiyənin vasitəçiliyi ilə Somali və Efiopiya arasında növbəti danışıq baş tutub

Türkiyə iki Afrika ölkəsini barışdırmağa çalışacaq

Somali HDQ komandanı: “Ərazi bütövlüyünü qorumaq üçün lazım olan hər şeyə sahibik”

Hakan Fidan: “Azərbaycan və Ermənistan arasında sülhün əldə olunması imkanını alqışlayırıq”

Somali XİN başçısı: COP29-un uğurla keçirilməsi üçün Azərbaycanla sıx əməkdaşlığa hazırıq