Vilnüs hava limanına son iki gün ərzində ikinci dəfə bomba təhlükəsi ilə bağlı anonim zəng daxil olub.

“Report” xəbər verir ki, bu barədə LRT portalı yazıb.

"Dünən axşam rus dilində danışan bir kişi məlumat mərkəzinə zəng edərək, tezliklə işə düşəcək partlayıcı qurğu quraşdırdığını bildirib. Polis təhlükəsizlik xidmətləri ilə birlikdə hava limanını diqqətlə yoxlayıb, lakin heç bir partlayıcı maddə və ya şübhəli əşya aşkar edilməyib", - hava limanının mətbuat xidmətindən bildirilib.

Zəng edənin şəxsiyyəti hələ müəyyən edilməyib. Litvada ictimai təhlükəsizliyə təhdid və ya fövqəladə vəziyyət barədə yalan məlumat vermək ictimai işlərə cəlb edilmə, cərimələnmə və bir ilədək azadlıqdan məhrumetmə ilə cəzalandırılır.

Oxşar xəbərlər

Paris-Orli hava limanının iki terminalı bomba təhlükəsi səbəbindən boşaldılıb

Manas hava limanında sərnişinlər bomba təhlükəsi səbəbindən təxliyə edilir

Bişkek hava limanı bomba təhlükəsi səbəbindən boşaldılır

Brüssel hava limanında sərnişinlər bomba təhlükəsi səbəbindən təxliyə edilib

Ukraynanın Lissabondakı səfirliyi bomba təhlükəsi səbəbindən boşaldılıb