Bundesverin (Almaniya Silahlı Qüvvələrinin) hərbi qüvvələrinin Ukraynada yerləşdirilməsi barədə qərar qəbul etmək vaxtı hələ gəlməyib.

"Report"un məlumatına görə, bu barədə "Sat.1" telekanalının efirində Almaniyanın vitse-kansleri, maliyyə naziri Lars Klinqbeyl bəyan edib.

"İndi belə cavablar vermək üçün hələ çox tezdir", - deyə Klinqbeyl müvafiq suala cavab verib.

Onun sözlərinə görə, əvvəlcə gözləmək və Rusiya ilə Ukrayna arasında, həqiqətən, sülh olub-olmayacağını görmək lazımdır.

"Bunun üçün, ilk növbədə güclü Ukrayna ordusu lazımdır. Sonra baxarıq daha nə etmək olar. Lakin bunlar Almaniya hərbi qüvvələri olacaq ya yox, bu sual indi gündəmdə deyil", - deyə Almaniyanın vitse-kansleri sözlərini yekunlaşdırıb.

Qeyd edək ki, hazırda Almaniyada Ukraynaya hərbi qüvvələrin göndərilməsi ilə bağlı qızğın müzakirələr aparılır.

Oxşar xəbərlər

Almaniyanın vitse-kansleri: Sülh əldə olunarsa, Ukraynaya təhlükəsizlik təminatları lazım olacaq

Almaniyanın vitse-kansleri ABŞ-yə meydan oxuyub

Almaniya kansleri: Hərbçilərimizin Ukraynada mövcudluğu nəzərdən keçirilmir

Şolts: Ukraynaya sülhməramlı missiyanın göndərilməsinə dair müzakirə aparmaq hələ tezdir

Almaniya 5 milyard avroluq büdcə kəsiri ilə üzləşib