ABŞ Prezidenti Donald Tramp Rusiya və Ukrayna liderləri Vladimir Putinlə Volodimir Zelenskinin ortaq dil tapa biləcəklərinə ümid etdiyini bildirib.

"Sizinxeber.az"un məlumatına görə, bunu Tramp Ağ Evdə Zelenski və Aİ liderləri ilə qrup görüşündə deyib.

Tramp görüşün məqsədinin Rusiya ilə Ukrayna arasındakı münaqişəni yatırtmaq cəhdi olduğunu söylədi.

Daha əvvəl o, Oval Kabinetdə Zelenski ilə görüşdə bildirib ki, sülh müqaviləsi bağlanmazdan əvvəl Rusiya ilə Ukrayna arasında atəşkəs "lazım deyil".

"Davamlı sülh yaratmaq üçün çalışarkən hamımız açıq şəkildə dərhal atəşkəsə üstünlük verəcəyik", - Tramp Aİ liderləri və Zelenski ilə bir saatlıq qapalı görüşdən sonra jurnalistlərə deyib.

Qeyd edək ki, daha əvvəl Vaşinqtonda ABŞ və Ukrayna prezidentləri Donald Trampla Volodimir Zelenski görüşüb.

Görüşdə Tramp bildirib ki, Rusiya-Ukrayna münaqişəsinin həllində irəliləyiş görür. O, Rusiya lideri Vladimir Putinlə Alyaskada görüşünü xatırladıb və bildirib ki, indi vəziyyəti həll etmək üçün əla fürsətdir. ABŞ Prezidenti Ukrayna lideri Volodimir Zelenski ilə görüşdən dərhal sonra rusiyalı həmkarı Vladimir Putinə zəng edəcəyini bildirib.

Oxşar xəbərlər

Tramp Zelenski ilə görüşdən dərhal sonra Putinə zəng edəcək

ABŞ Prezidenti Ukrayna və Rusiya liderləri ilə üçtərəfli görüşü mümkün hesab edir

Tramp Ukrayna və Rusiya liderləri ilə danışıqlardan razı qalıb

Tramp Putin və Zelenski ilə üçtərəfli görüşə hazır olduğunu açıqlayıb

KİV: ABŞ, Rusiya və Ukrayna sammiti Avropa və ya Yaxın Şərqdə baş tuta bilər