ABŞ, İsrail və Suriya rəsmiləri iyulun 24-də Suriyanın cənubunda təhlükəsizlik məsələlərini müzakirə etmək üçün görüşəcəklər.

"Report"un "Axios"a istinadən verdiyi xəbərə görə, danışıqlara ABŞ-nin Suriya üzrə xüsusi nümayəndəsi Tom Barak başçılıq edəcək.

Bu, bölgədəki son gərginlikdən və İsrailin Dəməşqə zərbələrindən sonra ilk görüş olacaq.

Qeyd olunub ki, əsas diqqət Suriyanın cənubunda təhlükəsizlik tədbirlərinə, həmçinin gələcək böhranların qarşısını almaq üçün ölkələr arasında koordinasiyanın gücləndirilməsinə yönəldiləcək.

Görüşün yeri hələlik açıqlanmayıb.

Bundan əvvəl Bakıda İsrailin milli təhlükəsizlik müşaviri Çaxi Xaneqbi və Suriyanın xarici işlər naziri Əsəd əl-Şibani arasında danışıqlar olub.

Oxşar xəbərlər

KİV: İsrail və Suriya bir neçə dəfə danışıqlar aparıb

KİV: İsrailin Milli Təhlükəsizlik Şurasının rəhbəri Suriya ilə birbaşa danışıqlar aparır

Suriya vasitəçilərlə İsrailin zərbələrinə son qoymağa çalışır

Suriyanın xarici işlər və müdafiə nazirləri BƏƏ-yə gedib

İsrail Suriyanın cənubunda status-kvonu saxlamaq niyyətindədir