ABŞ Prezidenti Donald Tramp yaxın gələcəkdə Çinə səfər edə biləcəyini etiraf edib.

“Report” TASS-a istinadən xəbər verir ki, bu barədə Amerika lideri Ağ Evdə Filippin Prezidenti kiçik Ferdinand Markos ilə görüşündə bildirib.

“Çin prezidenti Si Cinpin məni ölkəsinə səfərə dəvət edib və biz bunu, güman ki, yaxın gələcəkdə edəcəyik”, - o deyib. Tramp əlavə edib ki, yaxın vaxtlarda bu məsələ ilə bağlı yekun qərar verəcək.

Qeyd edək ki, daha əvvəl Çinin lideri Si Cinpinin Rusiya və ABŞ prezidentləri - Vladimir Putin və Donald Trampın iştirakı ilə Çində üçtərəfli görüş təşkil etmək niyyətində olduğu bildirilmişdi. “The Times” yazır ki, Vaşinqton və Pekin arasında son dövrlər bir sıra ticarət sazişləri Trampın Çinə münasibətinə təsir edib və ABŞ prezidentinin sentyabr sammitinə planlaşdırılan bu görüşdə mümkün iştirakı ilə bağlı spekulyasiyalara səbəb olub.

Oxşar xəbərlər

KİV: Si Cinpin Putin və Trampla üçtərəfli görüş keçirməyi planlaşdırır

Tramp inauqurasiyadan sonra 100 gün ərzində Çinə səfər etmək niyyətindədir

KİV: Tramp apreldə Çinə səfər edə bilər

Peskov: Rusiya, ABŞ və Çin liderlərinin sentyabrda mümkün görüşü barədə məlumat yoxdur

KİV: Tramp Çinə səfər edəcək