Avropa İttifaqı (Aİ) ticarət danışıqları çərçivəsində ABŞ-yə avtomobillərə görə rüsumların qarşılıqlı şəkildə azaldılmasını təklif edir.

“Report” xəbər verir ki, bu barədə “The Financial Times” qəzeti mənbələrə istinadən məlumat yayıb.

"Aİ-dən olan danışıqçıların yeni təklifinə əsasən, blok ABŞ-dən avtomobil ixracına tətbiq olunan 10 %-lik rüsumu ləğv etməsi Tramp administrasiyasının bu sektor üzrə öz rüsumlarını 20 %-dən aşağı səviyyəyə endirəcəyi halda mümkündür", - nəşr qeyd edib.

Mənbələrin məlumatına görə, Vaşinqton rüsumların 17,5 %-ə qədər azaldılması imkanını nəzərdən keçirir, bu halda Aİ də öz rüsumlarından tamamilə imtina etməlidir.

Mənbələr əlavə edirlər ki, ABŞ və blok həmçinin Birləşmiş Ştatlarda avtomobil istehsal edən Avropa şirkətləri üçün ixrac kreditlərini müzakirə edir.

Qeyd edək ki, mart ayının sonunda Tramp bəyan edib ki, ABŞ ölkə xaricində yığılan bütün avtomobillərə 25 % rüsum tətbiq edir. Bundan başqa, o, iyul ayında Birləşmiş Ştatların avqustun 1-dən Avropa İttifaqından daxil olan mallara 30 % rüsum tətbiq edəcəyini bildirib.

Oxşar xəbərlər

ABŞ bu gün Kanada və Meksika mallarına rüsumların azaldılmasını elan edə bilər

Tramp Aİ-dən Çin məhsullarına əlavə rüsumların tətbiq ediləsini istəyir

Tramp xarici məhsullara rüsumların tətbiqində istisnalara yol verib

KİV: Tramp Aİ-dən Çindən idxala yeni rüsumlar tətbiq etməsini tələb edir

KİV: Avropa İttifaqı və Çin ABŞ-yə qarşı birləşir