ABŞ Prezidenti Donald Trampın getdiyi Nyu-Cersi ştatının Bedminster şəhərində mülki təyyarənin qolf klubunun üzərində məhdudlaşdırılmış hava məkanına daxil olmasından sonra ölkənin Hərbi Hava Qüvvələrinə məxsus döyüş təyyarələri səmaya qaldırılıb.

“Report”un xəbərinə görə, bu barədə Şimali Amerikanın Aerokosmik Müdafiə Komandanlığının nümayəndələri məlumat yayıb.

Açıqlamada qeyd edilir ki, qırıcı təyyarələr Bedminster üzərində müvəqqəti olaraq məhdudlaşdırılmış hava məkanını pozan mülki təyyarəni ələ keçirib. Bundan əvvəl də ərazidə bir neçə oxşar qanun pozuntusu baş verib. Hərbçilər mülki təyyarənin "bölgədən təhlükəsiz şəkildə çıxarıldığını" açıqlayıb.

Tramp daha əvvəl də sahibi olduğu qolf klubuna gedib. ABŞ liderinin iyulun 5-də heç bir ictimai tədbiri yoxdur. ABŞ Prezidenti həftə sonlarını tez-tez bu qolf klubunda keçirir.

Oxşar xəbərlər

KİV: Trampın qolf həvəsi ABŞ büdcəsinə 18 milyon dollara başa gəlib

ABŞ-nin Məxfi Xidməti: Trampın qolf sahələri işləmək üçün çətin yerdir

Tramp sui-qəsd cəhdindən sonra iqamətgahına qayıdıb

Cənubi Koreyanın Prezidenti Donald Trampla qolf oynayacaq

Məxfi Xidmətin əməkdaşı Trampın yanında silahlı şəxsi güllələyib