Avropa İttifaqı Şurasının sədri Antoniu Koşta İsrail və İranı təmkinli olmağa çağırıb.

“Report” xəbər verir ki, o, bu barədə "X" sosial şəbəkəsindəki səhifəsində yazıb.

"Mən Yaxın Şərqdə baş verən son hadisələrdən çox narahatam. Təhlükəli eskalasiyaya yol verilməməlidir, bu, bütün regionda sabitliyi pozur. Tərəfləri təmkinli olmağa və diplomatiyaya çağırıram", - o yazıb.

Avropa Komissiyasının sədri Ursula fon der Lyayen isə “X” hesabında yazıb ki, Yaxın Şərqdə sabitliyin və qlobal təhlükəsizliyin təmin edilməsi üçün diplomatik həll heç vaxt olmadığı qədər vacibdir.

"Yaxın Şərqdən gələn xəbərlər dərin narahatlıq doğurur. Avropa bütün tərəfləri maksimum təmkinli olmağa, dərhal eskalasiyadan çəkinməyə və cavab addımlarından imtina etməyə çağırır. Bu gün regionda sabitlik və bütün dünyada təhlükəsizlik naminə diplomatik həll yolu tapmaq heç vaxt olmadığı qədər əhəmiyyət kəsb edir", - o vurğulayıb.

Avropa İttifaqı (Aİ) İran və İsraili gərginliyin daha da artmasına yol verməməyə çağırıb.

“Report” xəbər verir ki, bu barədə Avropa İttifaqının diplomatik xidmətinin rəhbəri Kaya Kallas “X” hesabında yazıb.

"Yaxın Şərqdə vəziyyət təhlükəlidir. Bütün tərəfləri təmkinli olmağa və gərginliyin daha da artmasına yol verməməyə çağırıram. Diplomatiya irəli getmək üçün ən yaxşı yoldur və mən gərginliyin azaldılması üçün bütün diplomatik səyləri dəstəkləməyə hazıram", - K.Kallas qeyd edib.

Oxşar xəbərlər

Böyük Britaniya İsrail və İranı təcili olaraq gərginliyi azaltmağa çağırıb - YENİLƏNİB

Aİ təmkinli olmağa və Holan hücumu ilə bağlı beynəlxalq araşdırmaya çağırıb

BMT-nin Baş katibi İran və Pakistana çağırış edib

BMT İsrail və İranı maksimum təmkinli olmağa çağırıb

Rusiya XİN: Bütün mübahisəli məsələlər yalnız sülh yolu ilə həll edilməlidir