KİV: Merz, Makron və Starmer Kiyevə səfər ediblər

Almaniya kansleri Fridrix Merz, Fransa prezidenti Emmanuel Makron və Böyük Britaniyanın baş naziri Kir Starmer Kiyevə yola düşüblər.

Sizinxeber.az xəbər verir ki, bu barədə Almaniyanın DPA agentliyi məlumat yayıb.

Agentliyin məlumatına görə, siyasətçilər Polşanın baş naziri Donald Tuskla birlikdə 10 may tarixində Ukrayna prezidenti Volodimir Zelenski ilə görüşməyi planlaşdırırlar. Görüş zamanı Ukraynaya gələcək dəstək məsələlərinin müzakirə olunacağı gözlənilir.

Qeyd edək ki, birgə bəyanatlarında onlar ABŞ prezidenti Donald Trampın 30 günlük tam və qeyd-şərtsiz atəşkəs çağırışını dəstəklədiklərini bildiriblər.

Onların fikrincə, bu atəşkəs ədalətli və davamlı sülh haqqında müzakirələr üçün şərait yaratmalıdır.