Böyük Britaniyanın Baş naziri Keir Starmer Ukrayna Prezidenti Volodimir Zelenski və 10-dan çox Avropa liderini martın 2-də Londonda qəbul edəcək.

Sizinxeber.az xəbər verir ki bu barədə "Bloomberg" məlumat yayıb.

Məlumata görə, onlar Rusiya ilə atəşkəs olacağı təqdirdə Avropanın Kiyevə təklif edə biləcəyi təhlükəsizlik təminatlarını müzakirə edəcəklər.

Starmerin ofisi Almaniya, Danimarka, İtaliya, Hollandiya, Norveç, Polşa, İspaniya, Türkiyə, Finlandiya, İsveç, Çexiya və Rumıniya liderlərinin də Londona dəvət edildiyini bildirib.

Həmçinin NATO-nun Baş katibi Mark Rutte, Avropa Komissiyasının prezidenti Ursula von der Leyen və Avropa İttifaqı Şurasının Prezidenti Antonio Koştanın da iştirakı gözlənilir .

Starmerin Zelenski və İtaliyanın Baş naziri Ciorcia Meloni ilə ayrıca ikitərəfli görüşlər keçirəcəyi gözlənilir.

Qeyd edilib ki, görüş Starmer və Fransa Prezidenti Emmanuel Makrona avropalı müttəfiqlərinə bu həftə Vaşinqtonda ABŞ Prezidenti Donald Trampla danışıqları barədə məlumat verməyə imkan yaradacaq.

Oxşar xəbərlər

Zelenski Brüsseldə Avropa liderləri ilə görüşəcək

Aİ liderləri Londonda Ukrayna danışıqlarında iştirak edəcək

Ursula von der Leyen Kiyevə gedib

Ursula von der Leyen Zelenski ilə görüşüb

Zelenski Londona gedib