Britaniyada yeni radiodalğa silahı sınaqdan keçirilib

Böyük Britaniyanın Müdafiə Nazirliyi pilotsuz təyyarələr dəstəsini zərərsizləşdirmək üçün yeni radiodalğa silahının uğurla sınaqdan keçirildiyini açıqlayıb.

Sizinxeber.az xəbər verir ki, bu barədə Böyük Britaniya hökumətinin saytında məlumat verilib.

Məlumatda qeyd edilir ki, yeni silahlar potensial olaraq müharibənin xarakteri dəyişdikcə pilotsuz uçuş aparatlarının yaratdığı təhlükələrdən müdafiəyə kömək edə bilər.

Sənədə əsasən, bu silah eyni vaxtda bir neçə hədəfi demək olar ki, ani təsirlə zərərsizləşdirmək qabiliyyətini sübut edib.

Layihənin tədqiqatlarına 40 milyon funt sterlinqdən çox sərmayə qoyulub. Nümayiş olunan model Fransanın “Thales” müdafiə şirkətinin Britaniya qolu tərəfindən idarə olunan sənaye konsorsiumu tərəfindən hazırlanıb.