Gürcüstan Daxili İşlər Nazirliyi narkotik vasitələrin qanunsuz dövriyyəsində şübhəli bilinən Azərbaycan vətəndaşını saxlayıb.

APA-nın Tbilisi müxbiri xəbər verir ki, məlumatı Gürcüstan DİN yayıb.

Bildirilib ki, qurumun əməkdaşlarının həyata keçirdiyi əməliyyat-istintaq tədbirləri nəticəsində külli miqdarda narkotik vasitəni qanunsuz olaraq əldə etmək və saxlamaqda təqsirli bilinərək əvvəllər məhkum olunmuş 1968-ci il təvəllüdlü C.B və Azərbaycan Respublikasının vətəndaşı, 1976-cı il təvəllüdlü A.H həbs ediliblər.

Saxlanılan şəxslərin evlərində aparılmış axtarış nəticəsində narkotik vasitələr olan “Metadon”, “Subotex” və “Heroin” , həmçinin, elektron tərəzilər maddi sübut kimi götürülüb.

Faktla bağlı Gürcüstan Cinayət Məcəlləsinin 260-cı maddəsi ilə araşdırma aparılır. İşi üzrə 20 ilədək və ya ömürlük azadlıqdan məhrumetmə cəzası nəzərdə tutulur.

Oxşar xəbərlər

Ağcabədidə 12 kq narkotik aşkarlanıb

Türkiyənin İnterpol xətti ilə beynəlxalq axtarışa verdiyi şəxs Gürcüstanda saxlanılıb - VİDEO

DGK: Ötən il narkotik dövriyyəsi ilə əlaqədar 96 fakt aşkar olunub

Saatlıda əvvəllər məhkum olunmuş şəxsdən 1 kq heroin aşkarlanıb

Bu il dəyəri 115 milyon AZN olan narkotik qanunsuz dövriyyədən çıxarılıb