Almaniyanın Lübek şəhərində cinayətkarlar 326 seyfi sındıraraq bankdan 10 milyon avro oğurlayıblar.

APA “Bild” nəşrinə istinadən xəbər verir ki, hadisə “Deutsche Bank”ın filialında baş verib.

Məlumata görə, bankın saxlanc hissəsində nə kameralar, nə də hərəkət sensoru olub.

Polisin məlumatına görə, cinayətkarlar çantalarını pul, qızıl və qiymətli kağızlarla doldurub, daha sonra avtomobillə naməlum istiqamətə gediblər.

İnsidentdən sonra bank təhlükəsizlik tədbirlərini gücləndirib, müştəriləri bank işçiləri və mühafizəçilər seyfdə müşayiət edirlər.

Bununla belə, zərər çəkmiş əmanətçilər başqa problemlə üzləşirlər: “Deutsche Bank” təzminatı ödəməkdən imtina edir.

Cinayətkarlar hələ də tapılmayıb, polis araşdırmalarını davam etdirir.

“Deutsche Bank” nümayəndəsi hadisəni şərh etməkdən imtina edib.

Oxşar xəbərlər

"Kapital Bank"ın rəhbərliyində dəyişiklik olub

“Birbank” Ani Ödənişlər Sisteminə qoşulub

“Bank VTB Azərbaycan”ın mənfəəti 2,5 mln. manat azalıb - Hesabat

"MilliKart” prosessinq mərkəzi nizamnamə kapitalını kəskin azaldıb

Daha bir bank Ani Ödənişlər Sisteminə qoşulub