Bu il Rusiya hərbi təyyarələri 300 dəfə NATO ölkələrinin hava məkanına yaxınlaşıb.

Sizinxeber.az xəbər verir ki, bu barədə NATO-nun mətbuat xidməti məlumat yayıb.

"2023-cü ildə NATO-nun bütün Avropadakı hava qüvvələri Alyansın hava məkanına yaxınlaşan Rusiya hərbi təyyarələrinin qarşısını almaq üçün 300 dəfədən çox uçuş edib, onların əksəriyyəti Baltik dənizi üzərində baş verib. NATO-nun daimi hava polisi missiyaları Rusiya hərbi təyyarələrinin müttəfiqlərin hava məkanına gözlənilməz yollarla yaxınlaşması əlamətləri aşkar etdikdə dərhal Alyansın təyyarələrini hərəkət etməyə çağırır.

NATO-nun şərq cinahı boyunca Rusiya hərbi təyyarələrinin öz mövqeyini və hündürlüyünü göstərən transponder kodunu ötürməməsi, uçuş planını təqdim etməməsi və ya hava nəqliyyatı dispetçerləri ilə əlaqə saxlamaması kimi təcrübəsi var. NATO və Rusiya təyyarələri arasında hava qarşılaşmalarının böyük əksəriyyəti təhlükəsiz və peşəkar olub. Rusiya hərbi təyyarələri tərəfindən NATO hava məkanının pozulması nadir və ümumiyyətlə qısa müddətli olaraq qeydə alınıb", - məlumatda qeyd edilib.

NATO-nun mətbuat katibi Diln Uayt (Dylan White) bildirib ki, Rusiyanın Ukraynaya qarşı müharibəsi son onilliklər ərzində Avropada ən təhlükəli vəziyyət yaradıb: "NATO döyüş təyyarələri müttəfiqlərimizin hava məkanı yaxınlığında şübhəli və ya elan edilməmiş uçuşlar baş verərsə, cavaba hazırdırlar, gecə-gündüz növbətçilik edirlər".

Bildirilib ki, Rusiyanın Ukraynadakı müharibəsindən sonra NATO şərq cinahındakı hava hücumundan müdafiə sistemini daha çox döyüş təyyarələri, müşahidə uçuşları və yerüstü hava hücumundan müdafiə vasitələri ilə əhəmiyyətli dərəcədə gücləndirib. Rusiya NATO ərazisinə çox yaxın olan Ukrayna infrastrukturuna zərbələr endirdikdən sonra müttəfiqlər Rumıniyaya əlavə döyüş təyyarələri yerləşdiriblər. Oktyabr ayında Baltik dənizində sualtı boru kəmərləri partladıqdan sonra NATO bölgəyə əlavə yardım göndərib. Bu il NATO “Hava Müdafiəçisi 23” zamanı 250-dən çox təyyarənin iştirakı ilə ən böyük hərbi hava təlimini keçirib.

Oxşar xəbərlər

Blinken: “İsveç tezliklə NATO-ya üzv olacaq”

Rusiyada 130 min nəfər hərbi xidmətə çağırılıb

Polşa Prezidenti ordu komandanlığı ilə birgə təcili iclas keçirib

Sabahın hava proqnozu

DYP: Güclü külək yollarda qəza riskini artırır