“Enerji daşıyıcılarının diversifikasiyası, habelə bərpa olunan enerji mənbələrinə sərmayələrin cəlb olunması Rusiyadan idxala qoyulan məhdudiyyətləri kompensasiya edə bilər”.

Sizinxeber.az-nın məlumatına görə, bunu bugünkü mətbuat konfransında Avropa Komissiyasının prezidenti Ursula von der Leyen deyib.

O, Avrozonanın enerji asılılığından xilasında diversifikasiyanın mühüm rol oynayacağını diqqətə çatdırıb:

“Enerji daşıyıcılarının qiymətlərinə təsir göstərən amillərdən biri də iqlim dəyişikliyi, eləcə də qonşu dövlətlərlə münasibətlərin hazırkı səviyyəsidir. Təbii ki, Rusiyanın Ukraynaya hücumu və çoxsaylı digər faktorlar da burada mühüm rol oynayır. Etiraf etməliyik ki, digər kontinentlərlə müqayisədə Avropada enerji daşıyıcılarının qiyməti həddindən artıq yüksəkdir. Qarşımızdakı əsas məsələlərdən biri ilk növbədə bu sahədə bazarın tənzimlənməsindən ibarətdir. Enerji daşıyıcılarının diversifikasiyası, habelə bərpa olunan enerji mənbələrinə sərmayələrin cəlb olunması Rusiyadan enerji daşıyıcılarının idxalına qoyulan məhdudiyyətləri kompensasiya edə bilər. Avropanın bərpa olunan və yaşıl enerji ehtiyatları nə qədər çox olarsa, biz xarici təchizatçılardan asılılığı bir o qədər çox azaldacağıq”.

Oxşar xəbərlər

Azərbaycan 2030-cu il üçün 7 Gwt yaşıl enerji istehsal edəcək

Vaşinqtonda Azərbaycan-ABŞ enerji münasibətləri müzakirə edilib

Avropa Komissiyası Ukraynaya enerji infrastrukturu üçün 40 milyon avro ayırıb

Azərbaycanın yaşıl enerji sayəsində qənaət edəcəyi qazın həcmi açıqlanıb

Nazir: Azərbaycanın yaşıl enerji potensialı ehtiyaclarından dəfələrlə yüksəkdir