Avropa İttifaqının xarici siyasət və təhlükəsizlik məsələləri üzrə ali nümayəndəsi Cozep Borrell Qazaxıstan və Qırğızıstana səfər edəcək.

APA xəbər verir ki, bu barədə Aİ-nin Xarici Fəaliyyət Xidməti məlumat yayıb.

Bildirilib ki, ali nümayəndə Borrell avqustun 1-dən 3-dək Qazaxıstan və Qırğızıstanda səfərdə olacaq.

"Səfər çətin geosiyasi kontekstdə Aİ-nin hər iki ölkə, eləcə də bütün Mərkəzi Asiya regionu ilə əlaqələrin daha da inkişaf etdirilməsi öhdəliyini təsdiqləmək üçün mühüm fürsətdir", - məlumatda qeyd olunub.

Avqustun 1-də Borrell Qazaxıstan baş nazirinin müavini və xarici işlər naziri Murat Nurtleu ilə ikitərəfli görüş keçirəcək. Həmin gün Cozep Borrell Qazaxıstan Prezidenti Kasım-Jomart Tokayevlə də görüşəcək.

Şənbə günü isə Aİ-nin baş diplomatı Qırğızıstanda xarici işlər naziri Jeenbek Kulubayev ilə ikitərəfli görüş keçirəcək. Fövqəladə hallar naziri Boobek Ajikeevlə də ayrıca danışıqlar planlaşdırılır.

Oxşar xəbərlər

Borrell Çinin xarici işlər naziri ilə görüşüb [xfgiven_updateblue][/xfgiven_updateblue]

Borrell: "Aİ ölkələri ABŞ-nin Qırmızı dənizdəki əməliyyatına qoşulacaq" [xfgiven_updateblue][/xfgiven_updateblue]

Borrell: Aİ-nin XİN başçılarının görüşü Budapeştdə yox, Brüsseldə keçiriləcək [xfgiven_updateblue][/xfgiven_updateblue]

Borrell: "Vahid Avropa ordusunun yaradılması ideyası real deyil" [xfgiven_updateblue][/xfgiven_updateblue]

Ukrayna XİN başçısı Çinə səfər edəcək [xfgiven_updateblue][/xfgiven_updateblue]