Beynəlxalq Ədalət Məhkəməsinin sədri Navaf Salam Livanın baş naziri təyin edilib və respublikanın yeni hökumətini formalaşdıracaq.

APA xəbər verir ki, bu barədə dövlət başçısının aparatının bəyanatında deyilir.

“Prezident Cozef Aun parlament fraksiyaları ilə məsləhətləşmələrdən sonra Nəvaf Salama Livanın yeni hökumətini qurmağı tapşırıb”, - fərmanın mətnində deyilir.

Bundan əvvəl Salam 128 deputatdan 85-nin dəstəyini qazanıb, parlamentin yalnız 9 üzvü onun rəqibi, baş nazir səlahiyyətlərini icra edən Nəcib Miqatiyə səs verib, qalanları isə hər hansı namizədi dəstəkləməkdən imtina edib.

Diplomat və hüquqşünas olan 71 yaşlı Navaf Salam 2007-2017-ci illərdə Livanın BMT-dəki daimi nümayəndəsi olub. 2018-ci ildə Beynəlxalq Ədalət Məhkəməsinin üzvü seçilib və 6 fevral 2024-cü ildə qurumun prezidenti olub.

Salam Beyrut aristokrat ailəsinə mənsubdur və onun əmisi oğlu Tammam Salam 2014-2016-cı illərdə Livan hökumətinə rəhbərlik edib.

Oxşar xəbərlər

Nəvaf Salam Livanın Baş naziri olmaq üçün parlamentin səs çoxluğunu qazanıb

Nəvaf Salam Livanın Baş naziri üçün olmaq parlamentin səs çoxluğunu qazanıb

Cozef Aun Livanın yeni Prezidenti seçilib

Bayden: ABŞ Livanın yeni prezidentini ölkənin bərpasında dəstəkləyəcək

Avstriya Prezidenti ifrat sağçı partiyanın liderinə yeni hökuməti qurmağı tapşırıb