Yaponiyanın şimal-şərq sahilləri yaxınlığında baş verən 7,7 bal gücündə zəlzələ nəticəsində azı 6 nəfər xəsarət alıb.

“Kyodo” agentliyinin yaydığı məlumata əsasən, zəlzələ Sakit okeanda, Tohoku regionunun şərqində qeydə alınıb.

Hadisədən sonra İvate, Aomori, Miyagi prefekturaları və Hokkaydo adasının cənubu üçün hündürlüyü 3 metrədək olan sunami təhlükəsi elan edilib.

Sahilə çatan dalğaların hündürlüyü isə 80 sm-ə qədər olub.

Zəlzələdən sonra maqnitudası 5,4-ə çatan 9 afterşok qeydə alınıb.

Seysmoloqlar yaxın bir həftə ərzində təkrar yeraltı təkanların baş vermə ehtimalının yüksək olduğunu bildirirlər.

Oxşar xəbərlər

Hokkaydo yaxınlığında 5,5 maqnitudalı zəlzələ olub

Yaponiyada güclü zəlzələ olub

Sakit okeanda sutka ərzində ikinci zəlzələ baş verib - YENİLƏNİB

Türkiyədə daha bir neçə zəlzələ qeydə alınıb