Atəşkəs sazişində Livan müharibəsinin dayandırılması da vacib şərt idi. Lakin qarşı tərəf əvvəldən öhdəliyini pozdu.

APA-nın Tehran bürosunun məlumatına görə, bunu İran Xarici İşlər Nazirliyinin sözçüsü İsmayıl Bəqayi bugünkü mətbuat konfransında deyib.

O, İranın Livan və Müqavimət Cəbhəsindəki dostlarına dəstəyini dayandırması ilə bağlı sualı cavablandırarkən İranın həmişə Livanı və “Hizbullah”ı dəstəklədiyini bildirib.

“Atəşkəs sazişində Livan müharibəsinin dayandırılması da əsas şərtlərdən biri kimi irəli sürülmüşdü. Pakistan vasitəçi kimi də buna açıq şəkildə toxunmuşdu. Bu məsələ İslamabadda ciddi şəkildə izlənilib və hələ də izlənilir. Hər hansı sazişin iki tərəfi var. Bir tərəf öhdəliyini pozarsa, digər tərəf də müvafiq şəkildə öz öhdəliklərini azaltmaq hüququna malikdir. İranın digər cəbhələrə biganə olması ilə bağlı yayılan iddialar tamamilə yalandır”, - diplomat vurğulayıb.

Haşim Rahimi

Oxşar xəbərlər

İran XİN: Tehran Livan xalqının müqavimət hüququnu dəstəkləyir

İsrail və Livan “Hizbullah”ın tərksilahında razılaşıb

“Hizbullah”: Livan fevralın 18-dək İsraili qoşunlarını çıxarmağa məcbur etməlidir

Hizbullah Livanda İsrailə qarşı aksiyaya çağırış edib

Vaşinqtonda İsrail və Livan arasında görüş başlayıb