Ağ Ev məlumat sızması ilə bağlı yayılan xəbərlər fonunda Prezident Donald Trampın ABŞ müdafiə naziri Pit Heqsetə tam dəstək verdiyini bəyan edib.

APA xəbər verir ki, bu barədə Ağ Evin sözçüsü Karolin Levit “Fox News” kanalına açıqlamasında bildirib.

Onun sözlərinə görə, Heqset fenomenal bir iş görür:

"Prezident Heqseti güclü şəkildə dəstəkləyir. Bir daha qeyd etmək istərdim ki, çatlarda heç bir məxfi məlumat yerləşdirilməyib”, – Levit vurğulayıb.

Qeyd edək ki, ABŞ müdafiə naziri Pit Heqset şəxsi telefonundan ABŞ-ın Yəməndəki hərbi əməliyyatları barədə məlumatı həyat yoldaşı və qardaşı da daxil olmaqla 13 nəfərlik “Signal” qrup söhbətinə göndərib. Bununla bağlı onun istefaya göndərilə biləcəyi ilə bağlı xəbərlər yayılıb.

Oxşar xəbərlər

Ağ Ev ABŞ-ın husilərə qarşı hücum planlarını səhvən jurnalistə göndərildiyini təsdiqləyib

Pentaqon rəhbəri məxfi məlumatları “Signal”da paylaşıb

ABŞ müdafiə naziri Pit Heqset istefaya göndərilə bilər

Heqset: Trampın İranla bağlı güc tətbiqinə dair fikirləri ciddi niyyətə əsaslanır

Tramp ABŞ Təhsil Departamentinin bağlanması ilə bağlı sərəncam imzalayıb