ABŞ prezidenti Donald Trampın administrasiyası Pentaqona qarşıdakı beş il ərzində müdafiə büdcəsini hər il 8% azaltmaq planını hazırlamağı tapşırıb.

Sizinxeber.az xəbər verir ki, bu haqda mənbələrə istinadən “Washington Post” qəzeti məlumat yayıb.

“Tramp administrasiyası Pentaqona böyük büdcə kəsirlərini planlaşdırmağı tapşırıb. Pentaqonun katibi Pit Heqset Pentaqonun rəhbər heyətinə və ABŞ ordusunun bütün komandanlıqlarına növbəti beş il ərzində müdafiə büdcəsini 8% azaltmaq planını hazırlamağı tapşırıb”, - nəşr yazır.

Nəşrin yazdığına görə, təklif olunan tədbirlər Pentaqonun büdcəsinin hər il on milyardlarla dollar həcmində əhəmiyyətli dərəcədə azalmasına səbəb ola bilər.

Müvafiq planların təqdim edilməsi üçün son tarixin isə 24 fevral olduğu bildirilir.

Qeyd edək ki, ötən ilin dekabr ayında Trampın sələfi Co Bayden 2025-ci il üçün 895 milyard dollarlıq müdafiə büdcəsini təsdiqləyib.

Oxşar xəbərlər

ABŞ-də Senat Pentaqonun yeni rəhbərini təsdiqləyib

KİV: Trampın dövründə Pentaqona Kristofer Miller rəhbərlik edə bilər

İsrail müdafiə naziri orduya qəzzalıların köçürülməsi üçün plan hazırlamağı tapşırıb

Xamneyi Ali Milli Təhlükəsizlik Şurasına İsrailə qarşı cavab planı hazırlamağı tapşırıb

Tramp Maskın Pentaqonun mənimsədiyi milyardları tapacağına ümid edir