Kimin seçilməsindən asılı olmayaraq Bayden andiçmə mərasimində iştirak edəcək

ABŞ prezident Co Bayden gələn çərşənbə axşamı seçkilərdə kimin qalib gəlməsindən asılı olmayaraq, ölkənin növbəti prezidentinin yanvarda keçiriləcək andiçmə mərasimində iştirak edəcək.

Sizinxeber.az xəbər verir ki, bunu Ağ Evin sözçüsü Karine Jan-Pyer jurnalistlərə açıqlamasında deyib.

"Bu prezident hakimiyyətin sülh yolu ilə ötürülməsinə inanır və siz bu prezidentin bunu edəcəyini görəcəksiniz. Söhbət ondan getmir. Söhbət Amerika xalqından gedir. Kimin qalib gəlməsindən asılı olmayaraq, Amerika xalqının bunu görməsi lazımdır ", - deyə o bildirib.