İranla razılaşma hələ də mümkündür.

Sizinxeber.az xəbər verir ki, bu barədə ABŞ-ın dövlət katibi Marko Rubio Hindistanda, Caypur aeroportunda təyyarədə jurnalistlərə bildirib.

O deyib ki, Vaşinqton və Tehran arasında razılaşmanın mətninin razılaşdırılması “bir neçə gün çəkə bilər”.

“Qətərdə bəzi danışıqlar aparıldı, buna görə irəliləyiş əldə edə biləcəyimizi görəcəyik”, - Rubio qeyd edib.

Dövlət katibi bir daha təkrarlayıb ki, ABŞ Prezidenti Donald Tramp İranla saziş bağlamaq niyyətindədir: “Prezident bunu etmək istədiyini bildirib. Ya yaxşı bir razılaşma əldə edəcək, ya da ümumiyyətlə etməyəcək”.

ABŞ Dövlət Departamentinin rəhbəri Hörmüzdə naviqasiyanı bərpa etməyin vacib olduğunu əlavə edərək, su yolunun “bu və ya digər şəkildə açılacağını” vurğulayıb.

Oxşar xəbərlər

ABŞ dövlət katibi İranla nüvə danışıqlarının davam etdiriləcəyinə ümidlidir

Rubio Fransanın XİN başçısı ilə Ukrayna, Qəzza və İran məsələlərini müzakirə edib

ABŞ İranla birbaşa danışıqların sülhə gətirib çıxaracağına ümid edir

Rubio: Bəzi ölkələr İranla müharibəyə qoşulmağa hazır olduqlarını bildiriblər

Tramp İranla razılaşma əldə olunacağı təqdirdə İslamabada səfər edəcəyini istisna etməyib