Dövlət Turizm Agentliyi yanında Azərbaycan Turizm Bürosu (ATB) 20-22 aprel tarixlərində Almaniyanın Vürzburq, Frankfurt və Trir şəhərlərində təşkil olunan silsilə tədbirlərdə ölkəmizin turizm imkanlarını təqdim edib.

"Report" agentliyə istinadən xəbər verir ki, 100-dən çox turizm şirkəti və turoperatorunun iştirak etdiyi tədbirlərdə Azərbaycan ilboyu cəlbedici turizm istiqaməti kimi təqdim olunub.

İştirakçılara şəhər turları, mədəni turizm, İpək Yolu irsi, dağ piyada marşrutları və qış turizmi imkanları barədə ətraflı məlumat verilib, eyni zamanda B2B formatında görüşlər keçirilib.

Silsilə tədbirlərdə iştirak Almaniya turizm sənayesi nümayəndələri ilə yeni əməkdaşlıq imkanlarının müzakirəsi və Azərbaycanın bu bazarda mövqeyinin daha da gücləndirilməsi baxımından mühüm platforma rolunu oynayıb.

Bu ilin yanvar-mart aylarında Almaniyadan Azərbaycana səfər edənlərin sayı ötən ilin eyni dövrü ilə müqayisədə 76,5% artaraq 5 024 nəfər təşkil edib.

Oxşar xəbərlər

Azərbaycanın turizm imkanları Çində silsilə tədbirlərlə tanıdılıb

Azərbaycanın turizm imkanları Türkiyədə silsilə tədbirlər çərçivəsində təqdim olunub

Azərbaycan Pakistan bazarında turizm əlaqələrini genişləndirir

Azərbaycanın turizm imkanları Rusiyada təqdim olunub

Azərbaycanın lüks turizm potensialı Rusiyada təbliğ olunub