Azərbaycan Basketbol Federasiyasının (ABF) prezidenti Emin Əmrullayev və vitse-prezidenti Fərrux Mahmudov ölkəmizdə işgüzar səfərdə olan Latviya Basketbol Assosiasiyasının prezidenti Raymonds Veyonis və digər nümayəndələrlə görüşüb.

"Report" ABF-nin mətbuat xidmətinə istinadən xəbər verir ki, görüşdə iki ölkə arasında basketbol üzrə təcrübə mübadiləsi və qarşıdakı planlar müzakirə edilib.

R.Veyonis ABF-nin uşaq basketbolunun inkişafına dair böyükmiqyaslı planları ilə tanış olaraq bu işləri yüksək qiymətləndirib. Bundan əlavə, 3x3 basketbolun qarşılıqlı olaraq ölkələr arasında sistemli inkişaf etdirilməsi də görüşün əsas müzakirə mövzularından biri olub.

Qeyd edək ki, görüşün sonunda tərəflər bir-birinə simvolik milli hədiyyələr verib, xatirə şəkilləri çəkdiriblər.

Oxşar xəbərlər

Emin Əmrullayev Azərbaycan basketbol millisinin üzvləri ilə görüşüb

Anqolanın vitse-prezidenti ADNSU-da olub

Emin Əmrullayev Anqolanın vitse-prezidenti ilə görüşüb

Emin Əmrullayev: "Basketbolda bir çox hədəflərə nail olmuşuq"

Emin Əmrullayev: "İnanırıq ki, "Sabah" Avropada da Azərbaycanı layiqincə təmsil edəcək"