Olimpiadada triatlon yarışları təxirə salına bilər

2024-cü il Olimpiya Oyunlarında triatlon yarışı Sena çayında suyun keyfiyyətinin aşağı olması səbəbindən təxirə salına bilər.

BAKU.WS xəbər verir ki, bu barədə "RMC Sport"a Paris merinin idman üzrə müavini Pyer Rabadan məlumat verib.

“Bu gün rəqəmlər yenidən azalır. Onlar hələ də normadan yuxarıdırlar. Amma yeni sınaqların nəticələrini gözləyəcəyik. Biz yarışı təxirə sala bilərik, lakin ümid edirik ki, belə tədbirlərə əl atmaq məcburiyyətində qalmayacağıq”, - deyə Rabadan bildirib.

Olimpiya Oyunları iyulun 26-da başlayıb, yarışlar avqustun 11-dək davam edəcək. Açılış mərasimi 26-da Sena çayında baş tutub.

BAKU.WS