İngiltərə yığmasının səkkiz futbolçusu Yunanıstan və İrlandiyaya qarşı keçirəcəkləri UEFA Millətlər Liqasının oyunları üçün açıqlanan heyətdən çıxarılıb.

"Report" xəbər verir ki, bu barədə İngiltərə Futbol Assosiasiyası məlumat yayıb.

Bunlar qapıçı Aaron Ramsdeyl ("Sauthempton"), müdafiəçilər Trent Aleksander-Arnold ("Liverpul"), Levi Kolvill ("Çelsi"), yarımmüdafiəçilər Fil Foden, Cek Qriliş (hər ikisi "Mançester Siti"), Koul Palmer ("Çelsi"), Deklan Rays və Bukayo Sakadır (hər ikisi "Arsenal).

Onların əvəzinə qapıçı Ceyms Trafford ("Bernli"), müdafiəçilər Carred Brantueyt ("Everton"), Tino Livramento ("Nyukasl"), yarımmüdafiəçi Morqan Rocers ("Aston Villa"), və hücumçu Carrod Bouen ("Vest Hem") yığmaya cəlb edilib.

Qeyd edək ki, İngiltərə millisi noyabrın 14-də Yunanıstan, üç gün sonra İrlandiya ilə üz-üzə gələcək.

Oxşar xəbərlər

İngiltərə Premyer Liqası tarixinin ən yaxşı müdafiəçisi müəyyənləşib

İngiltərə Premyer Liqasında XXI əsrin ən yaxşı məşqçilərinin reytinqi tərtib olunub

İngiltərə Premyer Liqasının ən yaxşı cinah oyunçusu müəyyənləşib

"Liverpul"un müdafiəçisi iki həftə futbol oynamayacaq

Kevin De Bruyne İngiltərə Premyer Liqası tarixinin ən yaxşı yarımmüdafiəçisi seçilib