Futbol üzrə Azərbaycan Kubokunda 1/8 final mərhələsinə yekun vurulub.

“Report”un məlumatına görə, raundun son oyununda “Neftçi” meydana çıxıb.

“Ağ-qaralar” I Liqa təmsilçisi “Qaradağ Lökbatan”la üz-üzə gəlib. “Neftçi Arena”da baş tutan matçda sensasiya baş verməyib. “Neftçi” doğma arenasında rəqibini 4:0 hesabı ilə darmadağın edib. Elita komandasının heyətində 23-cü dəqiqədə penaltidən Aaron Olanare, 77-ci dəqiqədə Yeqor Boqomolski, 80-ci dəqiqədə Andre Şinyaşiki fərqləniblər. "Qaradağ Lökbatan"ın heyətində Murad Qayalı 72-ci dəqiqədə avtoqol müəllifi olub.

“Neftçi”nin 1/4 finaldakı rəqibi “Sumqayıt” olacaq. Bu mərhələnin oyunları yanvarın 30-31-də və fevralın 6-7-də keçiriləcək.

Qeyd edək ki, daha əvvəl “Sabah”, “Sumqayıt”, “Araz-Naxçıvan”, “Qəbələ”, “Səbail”, “Zirə” və “Qarabağ” 1/4 finala yüksəliblər.

Oxşar xəbərlər

Azərbaycan Kuboku: "Zirə" 1/4 finala vəsiqə qazanıb [xfgiven_updateblue][/xfgiven_updateblue]

“Sumqayıt” I Liqa klubunu məğlub edərək 1/4 finala yüksəlib [xfgiven_updateblue][/xfgiven_updateblue]

Azərbaycan Kuboku: Paytaxt klubları bölgə təmsilçilərini qəbul edəcək [xfgiven_updateblue][/xfgiven_updateblue]

Azad edilmiş ərazilərdə 30 ildən sonra ilk oyun keçiriləcək [xfgiven_updateblue][/xfgiven_updateblue]

Azərbaycan Kuboku: 1/4 finalın bütün cütləri müəyyənləşib [xfgiven_updateblue][/xfgiven_updateblue]