Azərbaycan millisinin futbolçusu Mahir Emrelinin formasını geyindiyi Xorvatiyanın “Dinamo” klubu yeni hücumçu transfer etmək istəyir.

“Report”un yerli mətbuata istinadən məlumatına görə, Zaqreb təmsilçisinin baş məşqçisi Sergey Yakiroviç ön xəttin gücləndirilməsinin vacib olduğunu açıqlayıb.

Mütəxəssis ümidləri doğruldacaq forvard axtardıqlarını bildirib: “Hücumda fərq yaratmağı bacaran futbolçu gətirməliyik. Ümid edirəm ki, qış “transfer pəncərəsi”ndə bu keçidi reallaşdıra biləcəyik”.

Qeyd edək ki, Mahir Emreli “Dinamo”nun 5 hücumçusundan biridir. O, cari mövsüm 4 qola imza atıb. Zaqreblilərin ən məhsuldar forvardı isə hesabında 6 qol olan Bruno Petkoviçdir.

Oxşar xəbərlər

Tanınmış meyxanaçı hakim qarşısına çıxarılır

Azərbaycan millisinin AVRO-2024-ün seçmə mərhələ oyunları üçün heyəti AÇIQLANDI

"Qarabağ"ın baş məşqçisi: "Bu günü yox, sabahı da düşünürük"

“Qarabağ”ın müdafiəçisi “Braqa” ilə oyunları buraxacaq

İsveç klubuna qarşı oynamış futbolçu: “Qarabağ” “Hakken”i məğlub edəcək gücdədir”